նախընտրելի դարձնել
Amnesty International միջազգային իրավապաշտպան կազմակերպությունը կոչ է արել հետաքննել Իսրայելի Պաշտպանության բանակի հանցագործությունները՝ կապված բնակելի տների եւ այլ կառույցների քանդման հետ Գազայի հատվածում՝ ստեղծելու համար այսպես կոչված բուֆերային գոտի սահմանին։ Այս մասին նշվել է կազմակերպության հայտարարությունում։
Արբանյակային լուսանկարների վերլուծությունը ցույց է տալիս, որ իսրայելական բանակը մաքրել է մի հողակտոր Գազայի հատվածում՝ 1-1,8 կիլոմետր լայնությամբ, անկլավի հյուսիսային եւ արեւելյան սահմանին։ Այդ բուֆերային գոտու ընդհանուր մակերեսը կազմում է 58 քառակուսի կիլոմետր, ինչը կազմում է Գազայի հատվածի մոտ 16 տոկոսը։ Այս տարվա մայիսի դրությամբ 3,5 հազար շենքեր կամ կառույցների մոտ 90 տոկոսը այդ գծում կամ ոչնչացվել է, կամ խիստ վնասվել։
Իրավապաշտպան կազմակերպությունը նշել է, որ ստուգել է տների քանդման մի քանի փաստեր եւ պարզել, որ ավերածությունները կատարվել են արդեն մարտական գործողությունների ավարտից հետո, երբ Իսրայելի Պաշտպանության բանակը վերահսկում էր այդ տեղանքը։ Այդ նպատակների համար իսրայելցի զինվորականներն օգտագործել են ինժեներային ստորաբաժանումներ, պայթուցիկ սարքեր եւ բուլդոզերներ։ Ինչպես ընդգծել է Amnesty International-ը, միջազգային հումանիտար իրավունքն արգելում է հակամարտության կողմերին ոչնչացնել հակառակորդի սեփականությունը, եթե դա թելադրված չէ ընթացիկ մարտական գործողությունների անհրաժեշտությամբ։
