նախընտրելի դարձնել
Ալբանիայի նախկին վարչապետ Սալի Բերիշան չորեքշաբթի հայտարարել է, որ իրեն պաշտոնապես մեղադրանք է առաջադրվել կոռուպցիայի մեջ՝ անշարժ գույքի գործարքի առնչությամբ՝ դա անվանելով քաղաքական դրդապատճառներով առաջնորդվող քայլ, հայտնում է Associated Press-ը։
Հոկտեմբերին դատախազությունը հրապարակավ հայտարարել է նրան հետաքննվող անձ՝ պաշտոնեական դիրքի չարաշահման մեղադրանքով՝ իր փեսային Ջամարբեր Մալթեզիին օգնելու համար, որ մայրաքաղաք Տիրանայում 17 բազմաբնակարան շենքի կառուցման նպատակով պետական հող սեփականաշնորհի:
Ընդդիմադիր Դեմոկրատական կուսակցությունը գլխավորող 79-ամյա Բերիշան դեկտեմբերից տնային կալանքի տակ է՝ երկու շաբաթը իշխանություններին ներկայանալուց հրաժարվելուց հետո: Նրան միաժամանակ արգելվել է մեկնել արտերկիր։
Բերիշին չորեքշաբթի հրավիրել են հատուկ դատախազության գրասենյակ, որը հայտնի է որպես Կազմակերպված հանցավորության դեմ պայքարի հատուկ կառույց, որտեղ նրան մոտ կես ժամ պատմել են առաջադրված մեղադրանքի մասին։
Նա հայտնել է, որ իրեն կանչել են որպես մեղադրյալ և ներկայացրել մոտ 500 էջանոց ապացույցների թղթապանակ, որոնք նա «սուտ» է անվանել: Մալթեզին, ով զբաղվում է քաղաքականությամբ, ինչպես նաև բիզնեսով, նույնպես կանչվել է չորեքշաբթի՝ հայտարարելու համար, որ կոռուպցիոն գործերի առնչությամբ իրեն պաշտոնապես մեղադրանք է առաջադրվել: Դեկտեմբերին խորհրդարանը Բերիշիային զրկել էր իրավական անձեռնմխելիությունից:
