նախընտրելի դարձնել
Ռումինիայի արևելքում հինգ մարդ է մահացել հորդառատ անձրևների հետևանքով հեղեղված տարածքներում, հայտնում է PA Media-ն՝ վկայակոչելով տեղական արտակարգ իրավիճակների ծառայությունները։
Փրկարարները աղետից տուժած արևելյան Գալացի և Վասլուի շրջաններում փորձել են փրկել 95 մարդու։
Երեք տարեց կնոջ և երկու տղամարդու դի է հայտնաբերվել Պեչեա, Դրագուշենի, Կոստաչե Նեգրի և Կորոդ բնակավայրերում, հայտնում է Արտակարգ իրավիճակների դեպարտամենտը։
Ըստ իշխանությունների՝ պարզվել է, որ զոհերից մեկը մահացել է երկու օր առաջ և «ոչ թե եղանակի հետևանքների», այլ ուրիշ պատճառներով։
Գալաց է ուղարկվել Black Hawk ուղղաթիռ՝ որոնողափրկարարական աշխատանքներին աջակցելու համար։
Փոթորիկները մոլեգնել են Ռումինիայի ութ շրջանների 19 բնակավայրերում։ Ուժեղ քամին տապալել է տասնյակ ծառեր, վնասել ավտոմեքենաները, արգելափակել ճանապարհներն ու երթևեկությունը:
Իշխանությունները տեքստային հաղորդագրություններ են ուղարկել բնակիչներին՝ նախազգուշացնելով վատ եղանակի մասին, իսկ շտապօգնության ծառայությունները ջրհեղեղները տներից հեռացնելու համար ջանք չեն խնայում:
Փակ են նաև որոշ ճանապարհներ։
Վարչապետ Մարչել Չիոլակուն Գալացի շրջան մեկնելու և հետեւանքները գնահատելու համար չեղյալ է հայտարարել շաբաթ օրը նախատեսված հանդիպումները:
