նախընտրելի դարձնել
Իսլամական հեղափոխության պահապանների կորպուսի (ԻՀՊԿ) անդամներից ոչ մեկը ներկա չի եղել այն տեղում, որտեղ իսրայելական ուժերը հարված են հասցրել, Tasnim-ին տեղեկացրել են իրազեկ աղբյուրները։
Իսրայելցի զինվորականները երեկ ավիահարվածներ են հասցրել Լիբանանի մայրաքաղաք Բեյրութին՝ հայտնելով, որ հարվածը «նպատակաուղղված» էր։
Մինչ այդ մի շարք ԶԼՄ-ներ, հղում կատարելով իսրայելական բանակին, հայտնել էին, որ իրանցի որոշ զինվորական խորհրդականներ գտնվել են այն շրջանում, որը դարձել է իսրայելական ուժերի հարվածի թիրախը Բեյրութի հարավում։
Պատասխանելով Tasnim-ի՝ այդ դեպքերին վերաբերող հարցին, իրազեկ աղբյուրներն ասել են, որ «լուրերը կեղծ են, եւ ԻՀՊԿ ոչ մի անդամ չի եղել այն տեղում, որը դարձել է սիոնիստական վարչակարգի հանցագործության թիրախ»։
Լիբանանի առողջապահության նախարարությունը տեղեկացրել է, որ ագրեսիայի հետեւանքով զոհվել է 12 մարդ, 66 հոգի վիրավորվել է։
Լիբանանի ազգային լրատվական գործակալության տվյալներով՝ զոհվածներից հինգը երեխաներ են։
Լիբանանի Al Mayadeen հեռուստաալիքը տեղեկացրել է, որ անօդաչուները մի քանի հրթիռներ են արձակել Բեյրութի հոծ բնակեցված Դահիա շրջանում։
