նախընտրելի դարձնելՍիրիայի իշխանություններն ընդունել են դիտորդների տեղակայման ծրագիրը, որն առաջարկել էր Արաբական պետությունների լիգան (ԱՊԼ):
Ինչպես փոխանցում է ԻՏԱՌ-ՏԱՍՍ-ը, սիրիական իշխանություններն ստորագրել են խաղաղ նախաձեռնությունների մասին արձանագրություն, որն առաջարկվել էր ԱՊԼ-ի կողմից եւ ենթադրում է կազմակերպության դիտորդների ներկայություն երկրի տարածքում:
Նշենք, որ ավելի վաղ ԱՊԼ-ն հերթական վերջնագիրն էր ներկայացրել Սիրիային` պահանջելով, որպեսզի Դամասկոսը մինչեւ օրվա վերջ դիտորդներին երկիր թողնելու թույլտվություն տա: Միաժամանակ` Դամասկոսին սպառնում էին ՄԱԿ-ի ուժերի Սիրիա ներխուժմամբ:
500 հոգանոց դիտորդական առաքելության` Սիրիա ուղարկելու մասին որոշումն ընդունվել էր նոյեմբերի կեսերին` ԱՊԼ արտգործնախարարների նիստում:
Ինչպես տեղեկացրել էր NEWS.am-ը, ԱՊԼ-ն նոյեմբերի 27-ին Բաշար ալ Ասադի ռեժիմի նկատմամբ տնտեսական պատժամիջոցների փաթեթ էր ընդունել: ԱՊԼ-ից հետո նման պատժամիջոցներ էր սահմանել Եվրամիությունը:
