նախընտրելի դարձնելԱմերիկացի գիտնականների կանխատեսմամբ` աշխարհի վերջը կգա 2013թ. փետրվարի 14-ին. հենց այդ օրը, հնարավոր է, Երկիրը բախվի մոտեցող Նիբիրու` «Սատանայի մոլորակին»:
Այդ չարաբաստիկ օրը Երկիրը կանցնի Նիբիրուի ու Արեգակի միջով, եւ մագնիսական բեւեռների խառնվելու արդյունքում մեր մոլորակի ուղղությունը կթեքվի:
Գիտնականների գնահատմամբ` Երկիրն, ամենայն հավանականությամբ, կփրկվի, բայց ուժեղ երկրաշարժերից եւ ցունամիներից հազիվ թե հնարավոր լինի խուսափել: Նիբիրուն Երկրից կսկսի հեռանալ միայն 2014թ. հունիսի 1-ին, տեղեկացնում է «Ռուսաստանի ձայն» ռադիոկայանը:
2009-2010թթ. ինտերնետում ակտիվ քննարկում էին Երկրի եւ այդ ենթադրյալ մոլորակի մերձեցումը: Վարկածը, համաձայն որի Նիբիրուն պետք է տեսանելի դառնար 2011թ. մայիսին, այս պահին չի հաստատվել:
Նիբիրուն Արեգակնային համակարգի թափառող առասպելական մոլորակ է, եւ աստղագիտության մեջ դրա գոյության գիտական հաստատում չկա: Նիբուրույի գաղափարը 1995թ. առաջ է քաշել Նենսի Լիդերը` հայտարարելով, որ այլմոլորակայինների հետ կապի մեջ է եղել:
