նախընտրելի դարձնել
Եգիպտոսի հարավում կիրակի օրը լոկոմոտիվը բախվել է Կահիրե մեկնող մարդատար գնացքի պոչին, ինչի հետևանքով մի քանի մարդ վիրավորվել է, հայտնում է Reuters-ը՝ վկայակոչելով տեղի իշխանություններին։
Սա հյուսիսաֆրիկյան երկրում մեկ ամսվա ընթացքում երկրորդ երկաթուղային վթարն է։ Բախումը տեղի է ունեցել Մինյա նահանգում՝ Կահիրեից 270 կիլոմետր դեպի հարավ, ասվում է երկաթուղային ծառայության հաղորդման մեջ։ Երկաթուղային երկու վագոն ընկել է հարևանությամբ հոսող ջրի մեջ։ Վթարի պատճառները հետաքննվում են, ասվում է հայտարարության մեջ։
Առողջապահության նախարարությունն իր հերթին հայտնել է, որ առնվազն 20 մարդ տեղափոխվել է հիվանդանոց։
Սեպտեմբերին Նեղոսի գետաբերանում գտնվող քաղաքում երկու մարդատար գնացքների բախման հետևանքով առնվազն երեք մարդ էր զոհվել։
Վերջին տարիներին կառավարությունը հայտարարել է երկաթուղու բարելավման նախաձեռնությունների մասին։
Երկրի նախագահ Աբդել Ֆաթահ ալ Սիսին հայտարարել է, որ 2018 թվականին լքված երկաթուղային ցանցը պատշաճ կերպով վերանորոգելու համար կպահանջվի մոտ 250 միլիարդ եգիպտական ֆունտ (8,13 միլիարդ դոլար):
