ՆախընտրելիՄոսկվայի Տվերի շրջանի դատարանի որոշմամբ` ընդդիմադիր Իլյա Յաշինը եւ Ալեքսեյ Նավալնին 15 օրով կալանավորվել են: Նրանք ձերբակալվել էին նախօրեին` բողոքի ակցիայի ժամանակ:
Ինչպես փոխանցում է «Ինբտերֆաքսը», դատարանը մեղավոր է ճանաչել Յաշինին «իշխանության ներկայացուցիչների օրինական պահանջին չենթարկվելու» մեջ: Միաժամանակ նրա պաշտպանները մտադիր են բողոքարկել դատարանի որոշումը: Յաշինը եւս կարծում է, որ իրեն ապօրինի են ձերբակալել:
Նշենք, որ Аmnesty International-ը կարծում է, որ Յաշինն ու Նավալնին ձերբակալվել են քաղաքական դրդապատճառներով եւ նրանց անվանել են «խղճի կալանավորներ»:
Ինչպես տեղեկացրել էր NEWS.am-ը, դեկտեմբերի 5 -ին Ռուսաստանի մայրաքաղաք Մոսկվայում Պետդումայի ընտրություններից դժգոհ քաղաքացիները բողոքի ակցիաներ են անցկացնում: Տասնյակ ակտիվիստներ ձերբակալվել են, այդ թվում` հայտնի բլոգեր Ալեքսեյ Նավալնին, քաղաքագետ Իլյա Յաշինը եւ լրագրող Իլյա Բարաբանովը:
