Իրանի նախագահ Մասուդ Փեզեշկիանը Թեհրանից կմեկնի Ռուսաստան՝ մասնակցելու ԲՐԻԿՍ-ի 16-րդ գագաթնաժողովին, որը կանցկացվի հոկտեմբերի 22-ից 24-ը Կազանում (Ռուսաստան), հայտնում է Mehr-ը։

Բացի ԲՐԻԿՍ-ի գլխավոր գագաթնաժողովին իր ելույթից, Փեզեշկիանը երկկողմ հանդիպումներ կունենա այլ երկրների մի շարք պաշտոնյաների հետ, այդ թվում՝ Ռուսաստանի նախագահ Վլադիմիր Պուտինի և Չինաստանի նախագահ Սի Ցզինփինի հետ։

Գագաթնաժողովին, որը վարում է ՌԴ նախագահ Վլադիմիր Պուտինը, կմասնակցեն Բրազիլիայի, Ռուսաստանի, Հնդկաստանի, Չինաստանի և Հարավային Աֆրիկայի առաջնորդները՝ քննարկելու գլոբալ հրատապ խնդիրները և ԲՐԻԿՍ-ի երկրների միջև համագործակցությունը:

Ակնկալվում է, որ այս տարվա գագաթնաժողովի թեման կկենտրոնանա միջազգային համագործակցության ամրապնդման և գլոբալ կառավարման խնդիրների լուծման վրա: