Նախընտրելի
Ռուսաստանի կառավարությունը փորձարկում կանցկացնի արտասահմանում բնակվող ռուսաստանցիների կողմից էլեկտրոնային ստորագրություններ ստանալու ուղղությամբ, ասված է Նախարարների կաբինետի որոշման մեջ։
Ըստ «Ведомости»-ի՝ փորձարկումը կանցնացվի Հայաստանում, Ղազախստանում, Ղրղզստանում և Ուզբեկստանում՝ 2024 թվականի նոյեմբերի 1-ից մինչև 2025 թվականի դեկտեմբերի 31-ը։
ՌԴ վարչապետ Միխայիլ Միշուստինը հանձնարարել է փորձի նախնական արդյունքների մասին զեկուցել ոչ ուշ, քան մինչև 2025 թվականի հոկտեմբերի 1-ը։
Էլեկտրոնային ստորագրությունը էլեկտրոնային թվային ձևով տեղեկություն է՝ ստորագրության հեղինակի ինքնությունը որոշելու և հաստատելու համար: Ռուսաստանի քաղաքացիները կարող են ստանալ երեք տեսակի էլեկտրոնային ստորագրություններ՝ պարզ, ուժեղացված չորակավորված և ուժեղացված որակավորված ստորագրություններ:
Պարզ ստորագրությունը հաստատում է, որ հաղորդագրությունը կամ փաստաթուղթը ստորագրել է կոնկրետ անձը: Ուժեղացված չորակավորված ստորագրությունը օգտագործվում է, եթե կողմերը համաձայնագիր են կնքել: Ձեռքով կամ ձեռքի օգնությամբ ստորագրված փաստաթղթերն հավասար իրավաբանական ուժ ունեն: Ուժեղացված որակավորված ստորագրությունը ձեռագիր ստորագրության թվային նմանակն է: Դրանով կարելի է ստորագրել ցանկացած փաստաթուղթ՝ առանց մյուս կողմի հետ նախնական համաձայնության:
Ռուսաստանի ԱԳՆ-ն առաջարկել է Հայաստանում, Ղրղզստանում, Ղազախստանում և Ուզբեկստանում բնակվող Ռուսաստանի քաղաքացիներին տրամադրել էլեկտրոնային ստորագրության ստուգման բանալիների որակավորված վկայականներ։ Պարզաբանման գրությունում նշվում է, որ այժմ երկրից դուրս ավելի քան 15 միլիոն ռուսաստանցի կա, որոնք չեն կարող դիմել պետական ծառայությունների համար, քանի որ համապատասխան ծառայությունները Ռուսաստանից դուրս չեն աշխատում։
Նորարարությունը հնարավորություն կտա «Պետական ծառայություններում», շփվել բանկերի հետ և հեռակա կարգով հաստատել հաշվառման գրառումը: Հստակեցվել է, որ միջոցառումն ուղղված է պատժամիջոցների ցանկում հայտնված ՌԴ քաղաքացիների իրավունքների և ազատությունների պաշտպանությանը։
