Ընտրական հանձնաժողովի աշխատակիցը մահացել է Փոթիում, ծառայողական պարտականությունները կատարելիս, ճեպազրույցում հայտնել է ԿԸՀ մամուլի խոսնակ Նաթիա Իոսելիանին, տեղեկացրել է «Новости-Грузия»-ն։

Դեպքը տեղի է ունեցել թիվ 15 ընտրատեղամասում։

45-ամյա Նիկոլոզ Լոմիձեի ինքնազգացողությունը վատացել է։ Տղամարդուն հոսպիտալացրել են, բայց նրան փրկել չի հաջողվել։

Վրաստանի ԿԸՀ-ում ցավակցություն են հայտնել նրա հարազատներին եւ մերձավորներին։