նախընտրելի դարձնելՎրաստանի արդարադատության նախարարության ազգային արխիվի եւ Հայաստանի ազգային արխիվի միջեւ այսօր` դեկտեմբերի 9-ին համագործակցության հուշագիր է ստորագրվել, հայտնում է վրացայան «Պիրվելի»> գործակալությունը:
Հուշագիրը ստորագրել են Վրաստանի ազգային արխիվի ղեկավար Թեոնա Իաշվիլին եւ Հայաստանի ազգային արխիվի տնօրեն Ամատունի Վիրաբյանը:
«Ստորագրված հուշագիրը ենթադրում է երկու երկրների վերաբերյալ գոյություն ունեցող փաստաթղթերի պատճենների փոխանակում, ինչպես նաեւ միասնական ծրագրերի իրականացում»,-նշել է Վրաստանի ազգային արխիվի ղեկավարը:
Հայաստանի ազգային արխիվի պատվիրակությունը Թբիլիսի է ժամանել երկրորդ անգամ: Հայաստանի ազգային արխիվի տնօրեն Ամատունի Վիրաբյանի հետ Թբիլիսի են եկել նաեւ նրա տեղակալ Սոնիա Միրզոյանը եւ Հայաստանի կառավարության աշխատակազմի սոցիալական վարչության գլխավոր մասնագետ Սամվել Մուրադյանը:
Նշենք նաեւ, որ այցի շրջանակներում հայկական պատվիրակությունը կծանոթանա Վրաստանի ազգային արխիվում պահպանված միգրացիոն գործընթացների վերաբերյալ XVIII-XIX –րդ դարաշրջանի փաստաթղթերին:
Հայաստանի ազգային արխիվի պատվիրակության այցը Վրաստան կավարտվի դեկտեմբերի 11-ին:
