նախընտրելի դարձնելԽՍՀՄ նախկին ղեկավար Միխայիլ Գորբաչովին եւս մեկ հեղինակավոր մրցանակ է շնորհվել` «ժողովուրդների միջեւ փոխըմբռնման եւ խաղաղության ամրապնդման հարցում ունեցած ավանդի համար»: Ֆրանս Յոզեֆ Շտրաուսի անվան մրցանակը շնորհվել է Հանս Զայդելի հիմնադրամի կողմից:Հանձնելով մրցանակը` հիմնադրամի ղեկավար Հանս Ցեետմաիրը Գորբաչովին համարել է «անձ, ով արմատապես փոխել է աշխարհը»:
Գորբաչովին` որպես «XX դարի ականավոր պետական գործչի», մրցանակ է շնորհվել «երկաթե վարագույրի» անկման գործում ունեցած ավանդի, Արեւմուտքի եւ Արեւելքի միջեւ լարվածության հաղթահարման եւ Գերանիայի միավորման համար:10 հազ. եվրոյի չափով մրցանակը հիմնադրվել է ի հիշատակ Բավարիայի նախկին վարչապետ Ֆրանս Յոզեֆ Շտրաուսի: Այս մրցանկի դափնեկիրների շարքում են նաեւ ԳԴՀ նախկին կանցլեր Հելմուտ Քոլը, ԱՄՆ նախկին նախագահ Ջորջ Բուշ ավագը, ԱՄՆ նախկին պետքարտուղար Հենրի Քիսինջերը, փոխանցում է ԻՏԱՌ-ՏԱՍՍ-ը:
