Հնդկաստանի ոստիկանությունը հայտնել է, որ նոյեմբերի 22-ին անվտանգության ուժերի հետ փոխհրաձգության արդյունքում առնվազն 10 մաոիստ զինյալ է սպանվել: Այս մասին գրում է The Hindustan Times-ը։

Բախումը տեղի է ունեցել Սուկմա թաղամասի ջունգլիներում։

Խմբավորման դեմ գործողությունը դեռ շարունակվում է։

Նոյեմբերի 21-ին Օդիշայի Մալականգիրի թաղամասում անվտանգության ուժերի հետ փոխհրաձգության ժամանակ սպանվել է ևս մեկ մաոիստ։

Մաոիստները հավատարիմ են մարքսիզմ-լենինիզմի գաղափարներին։ 1996 թվականին նրանք զինված ապստամբություն սկսեցին Նեպալում թագավորական իշխանության դեմ։