նախընտրելի դարձնել
Կիրակի օրը նարնջագույն բոցն ու թանձր սև ծուխը երկինք են բարձրացել, երբ հրդեհն ընդգրկել է Ֆիլիպինների մայրաքաղաք Մանիլայի հետնախորշերով խիտ բնակեցված թաղամասի հարյուրավոր տները, հայտնում է AFP-ն:
Մանիլայի հրշեջ ծառայությունը հայտնել է, որ հրդեհի հետևանքով մոտ 1000 տուն է այրվել, որը, ենթադրաբար, սկսվել է տներից մեկի երկրորդ հարկից:
Տուժածների մասին առայժմ տեղեկություններ չկան։
Քաղաքի արտակարգ իրավիճակների կառավարման գործակալության կողմից համացանցում տեղադրված անօդաչուից լուսանկարված կադրերը ցույց են տալիս, որ Մանիլայի Իսլա Պուտինգ Բատո գյուղի տները հողին են հավասարվել:
Այս շինություններում, ըստ հրշեջ ծառայության, մոտ 2000 ընտանիք էր բնակվում։
Հրշեջներն ու փրկարարները գործարկել 36 բեռնատար և չորս հրշեջ նավակ, իսկ երկրի ռազմաօդային ուժերը երկու ուղղաթիռ են ուղարկել կրակը մարելու համար։
«Այս շրջանը հրդեհավտանգ է, քանի որ տների մեծ մասը կառուցված է թեթև նյութերից», - AFP-ին է ասել հրշեջ Ջեանելի Նունյեսը:
