նախընտրելի դարձնելGoogle Maps քարտեզագրական ծառայությունը «գաղտնազերծել» է Նեւադայում գտնվող Yucca Lake գաղտնի ռազմակայանը, որտեղ փորձարկումներ էր անցնում այսպես կոչված «քանդահարյան հրեշը»` RQ-170 Sentinel անօդաչու սարքը, որոնցից մեկը վերջերս հայտնվել էր իրանական զինվորականների ձեռքը:
Ցանցում պարբերաբար հայտնվում են Google Maps-ի լուսանկարները, որոնք վտանգի տակ են դնում տարբեր երկրների ազգային անվտանգությունը, լինեն դրանք գաղտնի օբյեկտներ Չինաստանում, իրանական ատոմային օբյեկտներ, ավիակայաններ ԱՄՆ-ում եւ Պակիստանում:
Google Maps-ի շնորհիվ յուրաքանչյուր օգտվող կարող է դիտել ռազմակայանների տեղը եւ , փոխել մասշտաբը, այնքան մոտեցնել, որ ուսումնասիրի թռիչքուղիներն ու գերգաղտնի օդանավերը:
Fox News-ի փոխանցմամբ, Yucca Lake ավիակայանի լուսանկարները արվել են դեռ 2011թ. սկզբինեւ օրերս հրապարակվել են Flight Global կայքում: Լուսանկարներում երեւում է 1560 մետր երկարությամբ թռիչքուղին եւ չորս անգարներ, որտեղ կարող են պահվել մինչեւ 15 անօդաչու սարքեր:
