Անկարան ակնկալում է, որ Ադրբեջանի և Հայաստանի միջև բանակցություններում դրական զարգացումները կհանգեցնեն խաղաղության պայմանագրի կնքմանը։ Այս մասին ասվում է Թուրքիայի անվտանգության խորհրդի հայտարարության մեջ։

«Շեշտվեցին մեր ակնկալիքներն ու ցանկությունները, որ Ադրբեջանի և Հայաստանի միջև բանակցություններում դրական զարգացումները կհանգեցնեն խաղաղության պայմանագրի կնքմանը, և նշվեց, որ ամուր խաղաղությունը համապատասխանում է մեր տարածաշրջանի բոլոր կողմերի շահերին»,- ասված է հայտարարության մեջ։