նախընտրելի դարձնել
SpaceX ընկերությունը պայմանագիր է ստացել Պենտագոնից՝ ընդլայնելու Starlink-ի ռազմականացված տարբերակի հասանելիությունն Ուկրաինայի համար, տեղեկացրել է Bloomberg գործակալությունը։
Պայմանագիրը նշանակում է, որ Starlink-ի 2 500 տերմինալներ, որոնք արդեն գտնվում են Ուկրաինայում, Starshield-ի հասանելիություն կստանան Starlink-ի միջոցով, որն ավելի դժվար է կոտրել կամ լռեցնել։ Այս թիվը կլրացնի 500 տերմինալները, որոնք արդեն միացված են Starshield-ին։
«Այս երկու պայմանագրերով կսպասարկվի 3 000 տերմինալ»,- նշվել է Տիեզերական համակարգերի հրամանատարության կոմերցիոն արբանյակների վարչության հայտարարությունում, որն ստացել է Bloomberg-ի խմբագրությունը։
Պայմանագրերն ունեն «Ուկրաինայում ինտերնետին միանալու հեշտացման» նպատակ, նշված է հայտարարությունում։ Դրանք նախատեսում են ծառայությունների մատուցում մինչեւ 2025թ.։
Ավելի վաղ պայմանագիր էր կնքվել օգոստոսին, նախքան 2024թ. ընտրություններում Թրամփի հաղթանակը, իսկ նախագահ Ջո Բայդենը հանդես է եկել Ուկրաինայի ռազմական օգնությունն ավելացնելու առաջարկով։ Տիեզերական համակարգերի հրամանատարությունը հրաժարվել է տեղեկացնել նոր պայմանագրի դոլարային արժեքը՝ չնայած նախորդ համաձայնությունը ԱՄՆ Եվրոպական հրամանատարության հետ 500 տերմինալների մասին կնքվել էր մոտ 40 մլն դոլար գումարով։
