նախընտրելի դարձնել
Իսրայելական բանակը երկուշաբթի զանգվածային ագրեսիա է սկսել Սիրիայի դեմ, հայտնում է Al Mayadeen-ը։
Իսրայելական լրատվամիջոցները հաղորդում են, որ «բանակային» ինքնաթիռները «գրոհել են ավելի քան 150 ռազմական օբյեկտներ Սիրիայում՝ սիրիական բանակի ոչնչացմանն ուղղված ջանքերի շրջանակում»։
Սիրիայում իսրայելական տասնյակ թիրախների թվում են սիրիական բանակի տանկեր, ինքնաթիռներ և ռազմական ուղղաթիռներ։
Իսրայելական օկուպացիոն «բանակը» 1973 թվականի հոկտեմբերի պատերազմից ի վեր ամենահզոր արշավանքներն է իրականացրել Սիրիայի վրա։
Սիրիական ընդդիմության դիտորդական կենտրոնի տվյալներով՝ հայտնաբերվել են իսրայելական հարձակումներ՝ ուղղված Դամասկոսի Ալ-Սումարիայում գտնվող սիրիական բանակի պահեստներին, ինչպես նաև Լաթաքիայի գյուղական Քորնիշ, Ալ-Մուշերֆա և Ռաս Շամրա ամբարտակներին:
Նշվում է, որ Իսրայելն օդակայաններում ոչնչացրել է ռազմական ինքնաթիռների բոլոր էսկադրիլները, ինչպես նաև տեղորոշիչներն ու զենքի պահեստները։
Al Mayadeen-ը հայտնել է նաև սիրիական ափին գտնվող Լաթաքիա նավահանգստի դեմ Իսրայելի ագրեսիայի մասին: Ինչպես գրել է Reuters-ը, իսրայելական հարվածն ուղղված է եղել միջերկրածովյան նավահանգստի մոտ տեղակայված հակաօդային պաշտպանության կայանին։
Իսրայելական բանակը թիրախավորել է Դամասկոսից դուրս գտնվող Բարզե շրջանը, ինչպես նաև Դամասկոսի Աքրաբա շրջանում տեղակայված ուղղաթիռների օդանավակայանը և Սիրիայի հյուսիս-արևելքում տեղակայված Քամիշլիի օդանավակայանը:
Բացի դրանից, իսրայելական ինքնաթիռները ոչնչացրել են ռազմական ուղղաթիռներ Դամասկոսի գյուղական Աքրաբա օդանավակայանում, ինչպես նաև գրոհել են Հոմս քաղաքի արվարձաններն ու քաղաքի հարավային Շինչար շրջանը:
