Ամերիկյան Amazon առցանց առևտրի հարթակը, որը պատկանում է աշխարհի ամենահարուստ մարդկանցից մեկին՝ Ջեֆ Բեզոսին, մտադիր է 1 միլիոն դոլար նվիրաբերել ԱՄՆ նորընտիր նախագահ Դոնալդ Թրամփի երդմնակալության հիմնադրամին, հինգշաբթի հաղորդում է The Wall Street Journal-ը։ Դրա տեղեկություններով՝ Մարկ Ցուկերբերգի գլխավորած Meta Corporation-ը նախկինում նույնքան գումար է ուղարկել Թրամփի հիմնադրամին։

Բեզոսը և տեխնոլոգիական ընկերությունների այլ ղեկավարներ փորձում են բարելավել հարաբերությունները հանրապետական ​​նոր վարչակազմի հետ, նշում է The Wall Street Journal-ը։ Միջոցներ հատկացնելու մասին որոշումը կայացվել էր Amazon-ի կողմից մի քանի օր առաջ և արդեն հաղորդվել էր Թրամփի անցումային թիմին։ Բացի այդ, ինչպես նշել են թերթի աղբյուրները, Amazon Prime Video հոսքային հարթակը կհեռարձակի Թրամփի երդմնակալության արարողությունը հաջորդ տարվա հունվարի 20-ին, ինչը կարելի է համարել ևս մեկ միլիոն դոլարի նվիրատվություն։

Սպասվում է, որ հաջորդ շաբաթ Բեզոսը կհանդիպի Թրամփի հետ Ֆլորիդայի Մար-ա-Լագոյի նստավայրում: