նախընտրելի դարձնել
Հայաստանում մարդկանց 27 տոկոսը պատկանում է երիտասարդությանը, եւ այսօրվա դրությամբ, հաշվի առնելով պագամավորների միջին տարիքը, Հայաստանի խորհրդարանը համարվում է ամենաերիտասարդն աշխարհում։ Այս մասին Երեւանում «Երիտասարդական քաղաքականության մասին» օրինագծի վերաբերյալ ընթացող խորհրդարանական լսումների ժամանակ դեկտեմբերի 17-ին ասել է կառավարող խմբակցության պատգամավոր Թագուհի Ղազարյանը, որը ղեկավարում է քննարկումները։
Նրա խոսքով՝ ուսումնասիրվել է միջազգային փորձը։ Միջազգային տարբեր կառույցների ներկայացուցիչները եւ երիտասարդությունն աջակցել են աշխատանքին, որն իրականացվել է նախագծի ուղղությամբ։
Նախագծի համաձայն՝ դրա ընդունման դեպքում կկարգավորվեն իրավական հարաբերությունները պետական երիտասարդական քաղաքականության սուբյեկտների միջեւ, կճշտվեն հարաբերությունները, լիազորությունները եւ պարտականություները լիազորված պետական մարմինների, տեղական ինքնակառավարման մարմինների եւ խորհրդատվական մարմինների լիազորությունների միջեւ, որոնք գործում են երիտասարդության ոլորտում։ Բացի այդ, կստեղծվի իրավական բազա, որն անհրաժեշտ է պետական երիտասարդական քաղաքականության նպատակների որոշման եւ իրականացման համար։
«Օրենքի ընդունմամբ կմեծանա նաեւ պետական քաղաքականության դերը երիտասարդության հանդեպ, կստեղծվի հնարավորություն ավելի արդյունավետ վարչարարության համար, ինչի շնորհիվ բոլոր շահագրգիռ կողմերը, որոնք ներգրավված են երիտասարդական ոլորտում, կմասնակցեն իրականացվող քաղաքականությանը օրենսդրական նորմատիվ ակտերի շրջանակում»,- նշվել է հիմնավորման մեջ։
