Իրավապահ մարմինները բռնել են Ուզբեկստանի քաղաքացու, 1995թ. ծնվ. ռադիացիոն, քիմիական եւ կենսաբանական պաշտպանության զորքերի պետ, գեներալ-լեյտենանտ Իգոր Կիրիլովի եւ նրա օգնականի սպանության կասկածանքով, տեղեկացրել է ՌԴ Քննչական կոմիտեի պաշտոնական ներկայացուցիչ Սվետլանա Պետրենկոն։

Նրա խոսքով՝ հարցաքննության ժամանակ կասկածյալը պատմել է, որ «հավաքագրվել է ուկրաինական հատուկ ծառայությունների» կողմից եւ նրանց առաջադրանքով եկել է Մոսկվա, որտեղ ստացել է ինքնաշեն պայթուցիկ սարք։ Նա այն տեղադրել է էլեկտրաինքնագլորում, որը կայանել էր բնակելի տան մուտքի մոտ, որտեղ ապրում էր Կիրիլովը։ Նա տանը հետեւելու համար մեքենա է վարձել, որտեղ տեսախցիկ է տեղադրել։ Նկարահանումը հեռարձակվել է Դնեպր քաղաքում ահաբեկչության կազմակերիչներին։ Կիրիլովի եւ նրա օգնականի դուրս գալու մասին տեսաազդանշանն  ստանալուց հետո՝ պայթուցիկ սարքը գործադրվել է հեռահար։

«Այս հանցագործությունը կատարելու համար  երաշխավորվել է դրամական պարգեւատրում 100 հազար դոլարի չափով եւ ելք եվրոպական երկրներից մեկը՝ ապրելու համար»,- նշել է Պետրենկոն։ Նա ավելացրել է, որ պարզվում են այլ անձինք, որոնք մասնակցել են հանցագործության կազմակերպմանը։ ՆԳՆ պաշտոնական ներկայացուցիչ Իրինա Վոլկը նշել է, որ Կիրիլովի սպանության մեջ կասկածվողը բռնվել է Մոսկվայի մարզի Չյորնոեյե Բալաշիխոնսկոյե գյուղում։

Ուզբեկստանի ՆԳՆ-ում տեղեկացրել են ահաբեկչության գործով հանրապետության քաղաքացուն բռնելու տեղեկության բացակայության մասին։ Մինչ այդ  «Կոմերսանտի», «Իզվեստիայի» եւ ՌԲԿ-ի աղբյուրները պատմել էին երկու կասկածյալների բռնելու մասին, որոնց հաջողվել էր հետեւել տեսառեգիստրատորի եւ բջջային հեռախոսին հետեւելու օգնությամբ։ Նրանց հեռախոսների պարունակությունը հաստատել է այն վարկածը, որ տղամարդիկ շփվել են մեսենջերով սպանության կազմակերպիչների հետ»,- նշել է ՌԲԿ-ի զրուցակիցը։

Կիրիլովը եւ նրա օգնական Իլյա Պոլիկարպովը զոհվել են դեկտեմբերի 17-ի վաղ առավոտյան Մոսկվայի Ռյազանսկի պողոտայի տան մոտ։ Պայթյունի հզորությունը հավասար է եղել մոտ 1 կիլոգրամ տրոտիլի։ ՌԴ ՔԿ-ն հարուցել է քրեական գործ ահաբեկչության, սպանության, զենքի եւ զինամթերքների ապօրինի շրջանառության մասին։