Որպես գործով կասկածյալ դատարանում ցուցմունք է տվել Իսպանիայի վարչապետ Պեդրո Սանչեսի կինը՝ Բեգոնյա Գոմեսը։ Այս մասին ՏԱՍՍ-ին հայտնել է Մադրիդի Գերագույն դատարանի մամուլի ծառայությունը։

Ծառայության տեղեկություններով՝ վարչապետի կինը «արդեն ցուցմունք է տվել ու հեռացել»։ Պրոցեդուրան տևել է մոտ 35 րոպե։ Թեև Գոմեսը միայն պատասխանում էր իր փաստաբանի հարցերին, նա փոխել է իր պաշտպանական ռազմավարությունը: Նախկինում վարչապետի կինը դատավարությանը մասնակցելիս օգտվել է ցուցմունք չտալու իր իրավունքից։

Հոկտեմբերին Մադրիդի Գերագույն դատարանը հայտարարեց Գոմեսի նկատմամբ հետաքննությունն ընդլայնելու որոշման մասին։ Այսպիսով, դատարանը քննարկման է ընդունել վարչապետի կնոջ դեմ ներկայացված հայցը՝ Մադրիդի Կոմպլուտենսի համալսարանի ծրագրային ապահովման յուրացման հանցագործության կասկածանքով։ Բողոքը ներկայացրել է ծայրահեղ աջակողմյան Hazte Oír կազմակերպությունը։

Ապրիլին դատարանը հայտարարել է Սանչեսի կնոջ դեմ հետաքննություն սկսելու մասին՝ բիզնեսում կոռուպցիայի և կապերի օգտագործման կասկածանքով։ Բողոքը ներկայացրել է «Մաքուր ձեռքեր» սինդիկատը, որն ընդունել է, որ կասկածները հիմնված են մամուլի հրապարակումների վրա։ Ըստ El Confidencial թերթի, գործը կենտրոնանում է Գոմեսի հարաբերությունների վրա մի քանի մասնավոր ընկերությունների հետ, որոնք ստացել են միջոցներ և պետական ​​պայմանագրեր կառավարությունից: Դատախազությունը միջնորդել է կարճել գործը։