Վրաստանի վիճակագրական ծառայության՝ դեկտեմբերի 19-ին հրապարակված նախնական տվյալներով՝ 2024 թվականի հունվար-նոյեմբեր ամիսներին Վրաստանում ապրանքների արտաքին առևտրաշրջանառությունը կազմել է 21,113 միլիարդ ԱՄՆ դոլար, ինչը նախորդ տարվա համապատասխան ժամանակահատվածի համեմատ6,6%-ով ավելի է։ Դրա մասին հայտնում է Civil Georgia-ն:

Թուրքիան Վրաստանի խոշորագույն առևտրային գործընկերն էր՝ 2,939 միլիարդ ԱՄՆ դոլար ապրանքաշրջանառությամբ: Հաջորդը Ռուսաստանը 2,269 միլիարդ դոլարով; Միացյալ Նահանգները՝ 1,966 միլիարդ դոլար; Չինաստանը՝ 1,767 միլիարդ դոլար, իսկ Գերմանիան՝ 1,204 միլիարդ դոլար:

Ամենախոշոր արտահանող երկրների ցանկը հաշվետու ժամանակահատվածում հետևյալն էր՝ դեպի Ղրղզստան՝ 1,166 միլիարդ դոլար, Ղազախստան՝ 795 միլիոն դոլար, Ադրբեջան՝ 664 միլիոն դոլար, Ռուսաստան՝ 634 միլիոն դոլար և Հայաստան՝ 564 միլիոն դոլար։