նախընտրելի դարձնել
Իրանի հյուսիսում գտնվող Գիլան նահանգում բեռնատարի ռուսաստանցի վարորդի դի է հայտնաբերվել, РИА Новости-ին հայտնել են Թեհրանում ՌԴ դեսպանության մամուլի ծառայությունից։
«Այս տարվա դեկտեմբերի 16-ին Աստարա քաղաքի մերձակայքում գտնվող այգում հայտնաբերվել է ՌԴ քաղաքացու դի՝ ծնունդով Դաղստանից, հրազենային վիրավորումով։ Նա բեռնատարի վարորդ է եղել»,- հայտնել են դիվանագիտական ներկայացուցչությունից։
Գերատեսչությունը պարզաբանել է, որ իրանական իշխանություններն այժմ հետաքննություն են անցկացնում, որը գտնվում է Ռեշտում ՌԴ գլխավոր հյուպատոսության և Իրանում դեսպանության խիստ վերահսկողության ներքո։
«Ռուսաստանյան կողմը կոչ է անում իրանցի գործընկերներին շտապ և մանրակրկիտ հետաքննել, պատժել մեղավորներին և կարգուկանոն հաստատել Աստարայի սահմանային անցակետում»,- հավելել են դիվանագետները։
