նախընտրելի դարձնել
Իրանի Իսլամական Հանրապետությանը Եվրասիական տնտեսական միությունում (ԵԱՏՄ) դիտորդ պետության կարգավիճակ է շնորհվել։ Ըստ ТАСС-ի՝ նման որոշում է ընդունվել միավորման գագաթնաժողովում։
ԵԱՏՄ դիտորդ երկրների թվում են նաև Կուբան և Ուզբեկստանը։ Եվրասիական «հնգյակի» մեջ մտնում են Ռուսաստանը, Հայաստանը, Բելառուսը, Ղազախստանը և Ղրղզստանը։
«Իրանն այժմ դիտորդ երկիր է մեր միավորմանն առընթեր»,- լրագրողներին հայտարարել է Եվրասիական տնտեսական հանձնաժողովի (ԵՏՀ) կոլեգիայի նախագահ Բակիտջան Սագինտաևը։
Բացի դրանից, ինչպես հաղորդում է РИА Новости-ն, ԵԱՏՄ ղեկավարները հաստատել են ԵԱՏՄ-ի և Իրանի միջև ազատ առևտրի համաձայնագրի ուժի մեջ մտնելու որոշումը։
