նախընտրելի դարձնելՈւկրաինայում այսօր` դեկտեմբերի 16 -ին տեղի է ունեցել «Ուկրաինայի հայերի միություն» հասարակական կազմակերպությունների ասոցիացիայի տարեկան համաժողովը, որին մասնակցել է Ուկրաինայի բոլոր մարզերից ավելի քան 40 պատվիրակ:
Ինչպես փոխանցում է «Analitika.at.ua»-ն, միության ղեկավար Վիլեն Շատվորյանի նախագահությամբ անցկացված համաժողովին մասնակցել է նաեւ Ուկրաինայում Հայաստանի դեսպան Անդրանիկ Մանուկյանը, Ուկրաինայի պատգամավորներ Իվան Պոպեսկուն եւ Մաքսիմ Լուցկին, Ուկրաինայի կառավարության ներկայացուցիչներ:
Շատվորյանն իր ելույթում կոչ է արել հայրենակիցներին միավորվել` սփյուռքի հաջող զարգացման համար: «Ուկրաինայի հայերի միությունը բաց է բոլոր ցանկացողների եւ բոլոր նրանց համար, ովքեր անտարբեր չեն Ուկրաինայի հայերի ապագայի նկատմամբ»,-ասել է միության նախագահը:
