նախընտրելի դարձնել
Շարունակվում են Հյուսիս-հարավ ճանապարհի Տրանշ-4-ի Քաջարան-Ագարակ 32 կմ հատվածի կառուցման աշխատանքները։
Ճանապարհային դեպարտամենտից NEWS.am_ին հայտնում են, որ ընթանում են հողային, ինչպես նաև թունելի փորման, Մեղրի քաղաքի տրանսպորտային հանգույցի, հենապատերի և կամուրջների հենարանների բետոնացման աշխատանքները։
Հիշեցնենք, որ ծրագրի շրջանակում նախատեսված է կառուցել 32 կմ ճանապարհ, երկու թունել (360 մ և 520 մ երկարությամբ) և 17 կամուրջ, որոնցից մեկի երկարությունը 720 մետր է։
Հյուսիս-հարավի Քաջարան-Ագարակ ճանապարհահատվածը կառուցվում է Կայունացման և զարգացման Եվրասիական հիմնադրամի և ՀՀ կառավարության ֆինանսավորմամբ։
