նախընտրելի դարձնել
Մոտ 50 ներգաղթյալներ, որոնցից շատերը պակիստանցիներ են, հնարավոր է, խեղդվել են Արևմտյան Աֆրիկայից Իսպանիայի Կանարյան կղզիներ ուղևորվող նավի խորտակման հետևանքով․ այս մասին հինգշաբթի օրը հայտնել է ներգաղթյալների իրավունքների պաշտպանության «Walking Borders» կազմակերպությունը, հաղորդում է Reuters-ը:
Մարոկկոյի իշխանությունները չորեքշաբթի օրը 36 մարդու են փրկել հունվարի 2-ին Մավրիտանիայից դուրս եկած նավից, որտեղ եղել է 86 ներգաղթյալ, այդ թվում՝ 66 պակիստանցի, հայտնում է կազմակերպությունը:
Ենթադրվում է, որ խեղդվածներից 44-ը Պակիստանից էին, ասել է Walking Borders-ի գործադիր տնօրեն Հելենա Մալենոն:
«Նրանք 13 օր տանջվել են, և ոչ ոք չի եկել նրանց փրկելու», - ասաց նա:
Հարցին, թե ոչ կառավարական կազմակերպություններից անհետացած նավի վերաբերյալ ինչ նախազգուշացումներ են ստացել, Իսպանիայի ծովային փրկարար ծառայությունը պատասխանել է, որ հունվարի 10-ին տեղեկացել է Նուակշոտից (Մավրիտանիա) դուրս եկած նավի անսարքության մասին, սակայն չի կարող հաստատել, որ խոսքը նույն նավի մասին է:
Ծառայությունը հայտնել է, որ օդային որոնումներն ապարդյուն են եղել, և զգուշացրել է մոտակա նավերին:
Walking Borders-ը հայտարարել է, որ վեց օր առաջ ահազանգել է բոլոր երկրների կառավարություններին անհետացած նավի մասին: Alarm Phone ոչ կառավարական կազմակերպությունը, որը արտակարգ հեռախոսակապի գիծ է տրամադրում ծովում կորած ներգաղթյալներին, նաև ասել է, որ հունվարի 12-ին ահազանգել է Իսպանիայի ծովային փրկարար ծառայությանը վթարի մեջ գտնվող նավի մասին:
Ըստ Walking Borders-ի տվյալների՝ 2024 թվականին Իսպանիա մուտք գործելու փորձի արդյունքում ռեկորդային թվով՝ 10,457 ներգաղթյալ կամ օրական 30 մարդ մահացել․ նրանց մեծ մասը փորձել է Կանարյան կղզիներ Ատլանտյան օվկիանոսով Արևմտյան Աֆրիկայի երկրներից, ինչպիսիք են Մավրիտանիան և Սենեգալը:
Մեկնաբանելով Walking Borders-ին՝ Կանարյան կղզիների տարածաշրջանային ղեկավար Ֆերնանդո Կլավիխոն ցավակցություն է հայտնել կատարվածի վերաբերյալ և կոչ է արել Իսպանիային և Եվրոպային քայլեր ձեռնարկել՝ կանխելու հետագա ողբերգությունները:
