նախընտրելի դարձնելՄիջազգային վարկանիշային «Moody`s» գործակալությունը Բելգիայի ինքնիշխան երկարաժամկետ վարկային վարկանիշը նվազեցրել է երկու աստիճանով` «Аа1» մակարդակից իջեցնելով մինչեւ «Аа3»:
Ինչպես հաղորդել է «Bloomberg»-ը, կարճաժամկետ վարկանիշը հաստատվել է Prime-1 մակարդակով: Բոլոր վարկանիշներով կանխատեսումները բացասական են գնահատվում:
«Moody`s»-ում հայտարարել են, որ Բելգիայի վարկունակությունը նվազել է փոխառությունների աճող ծախսերի պատճառով, ինչպես նաեւ նոր փոխառու միջոցների ներգրավման անհրաժեշտությամբ` ֆինանսական կազմակերպությունների միջեւ վստահության նավազման պայմաններում: Պետբյուջեի վրա լրացուցիչ բեռը վկայում է բանկային համակարգի կայունացման համար միջոցներ հատկացնելու անհրաժեշտության մասին:
Այս կապակցությամբ «Bloomberg»-ը հաղորդում է, թե «Moody`s»-ը որոշել էր նման քայլի գնալ այն բանից հետո, երբ նոյեմբերի 25-ին մեկ այլ վարկանիշային գործակալություն` «Standard and Poor`s»-ը, մեկ աստիճանով նվազեցրել էր Բելգիայի վարկային վարկանիշը` մինչեւ Aa մակարդակ: իսկ «Fitch» գործակալությունն իր հերթին Բելգիայի վարկանիշը սահմանել էր «AA +»` հնարավոր նվազեցման հայտով:
