Քաղաքացիները հավաքվում են Աջափնյակի առաջին ատյանի դատարանի շենքի մոտ, որտեղ քննվում է արցախցի Ղարիբ Բաբայանի կալանքի միջնորդությունը:

Դատարանի շենքի մոտ են նաեւ ԱԺ ընդդիմադիր պատգամավորներ Էլինար Վարդանյանը, Գառնիկ Դանիելյանը,  Քրիստինե Վարդանյանը, Տիգրան Աբրահամյանը: Այս պահին քաղաքացիները մեքենաներից ձայնային ազդանշաններով իրենց դժգոհություն են հայտնում Ղարաբ Բաբայանի կալանքի վերաբերյալ:

Հիշեցնենք, որ Ռազմավարական հետազոտությունների անկախ կենտրոնի էջում ավելի վաղ տարածվել է տեսանյութ, որում ըստ տեսագրությունը տարածած Ղարիբ Բաբայանի մի խումբ ադրբեջանցիներ Հանրապետության հրապարակում ադրբեջաներեն երգ են երգում Ղարաբաղի մասին: Բաբայանը նշել էր, որ դա խայտառակություն է, հարց էր բարձրացրել, թե որտեղ է ոստիկանությունը եւ ինչու են Հայաստանում շարունակում հանդուրժել դավաճանական իշխանությանը: Ավելի ուշ ԱԱԾ-ն հաղորդագրություն էր տարածել՝ նշելով, որ տեսագրությունում պատկերված անձիք Իրանի քաղաքացիներ են:

ԱԱԾ-ն հաղորդում էր ներկայացրել քննչական կոմիտե Բաբայանի դեմ՝ իշխանության եւ ոստիկանության ծառայողների նկատմամբ ատելության խոսք տարածելու համար, հարուցվել էր քրեական վարույթ, այնուհետեւ Բաբայանը ձերբակալվել էր: