Սիդնեյցին իր տան բակում հայտնաբերել է ավելի քան 100 թունավոր օձերի բույն։ Այս մասին հայտնում է 9News հեռուստաալիքը։

Նրա խոսքով, Reptile Relocation կազմակերպության օձ որսողները Սիդնեյի արեւմտյան շրջանի բնակելի շենքերից մեկի բակում՝ Horsley Park-ի տարածքում, բռնել են 102 կարմիր փորով սեւ օձ։ Օձերն իրենց տունն են դարձրել տապալված տերևներն և թեփի կույտերը և անհայտ մնացել այնքան ժամանակ, մինչև որ նրանից մեկը կծել է սեփականատիրոջ շանը:

Ինչպես նշել է Reptile Relocation-ի տնօրեն Քորի Կերևարոն, «այնքան շատ օձեր կային, որ որսորդներին անհրաժեշտ էր տան տերերի և նրանց հարևանների օգնությունը՝ բոլորին հավաքելու համար»: «Մեզնից ընդհանուր առմամբ երեք ժամ պահանջվեց այդ ամենը դասավորելու համար», - ասաց նա՝ հավելելով, որ հայտնաբերված օձերի բույնը երբևէ հայտնաբերված ամենամեծն էր Սիդնեյում:

Ավստրալիայի թանգարանի գիտության բաժինը նշել է, որ այս տեսակի օձերը բազմացման սեզոնի ընթացքում կարող են հավաքվել փոքր խմբերով (սովորաբար ոչ ավելի, քան վեց առանձնյակ):