Նախընտրելի
Լիբիայի անվտանգության ուժերը Լիբիայի հարավարևելյան անապատում հայտնաբերված զանգվածային գերեզմանից առնվազն 28 միգրանտի մարմին են հանել, հայտնել է երկրի գլխավոր դատախազը, հայտնում է Reuters-ը։
Մարմինները հայտնաբերվել են Քուֆրա քաղաքից հյուսիս, իսկ 76 միգրանտ ազատ են արձակվել հարկադիր պահման վայրերից։ Քուֆրա քաղաքը գտնվում է մայրաքաղաք Տրիպոլիից մոտավորապես 1712 կիլոմետր հեռավորության վրա:
«Գոյություն է ունեցել հանցախումբ, որի անդամները միտումնավոր ազատությունից զրկել են անօրինական միգրանտներին, խոշտանգել և ենթարկել դաժան, նվաստացուցիչ և անմարդկային վերաբերմունքի»,- ասվում է գլխավոր դատախազի ֆեյսբուքյան էջում։
Իշխանությունները սկսել են դատաբժշկական փորձաքննություններ անցկացնել՝ պարզելու նրանց մահվան պատճառը, ասվում է հաղորդման մեջ:
Իշխանությունները սկսել են փաստաթղթավորել ողջ մնացածների ցուցմունքները և ձերբակալել երեք կասկածյալի՝ Լիբիայի մեկ քաղաքացու և երկու օտարերկրացու, ասվում է զեկույցում:
Լիբիան 2011 թվականին Մուամար Քադաֆիի տապալումից հետո դարձել է տարանցիկ ճանապարհ այն միգրանտների համար, որոնք փախչում են հակամարտությունից և աղքատությունից դեպի Եվրոպա վտանգավոր ճանապարհով՝ անապատով և Միջերկրական ծովով:
