նախընտրելի դարձնելՊաշտոնական Թեհրանն առաջին անգամ միջուկային ծրագրի հարցով ԱԷՄԳ-ի զեկույցի հրապարակումից հետո գործակալության մասնագետներին հրավիրել է իր տարածք «մի շարք հարցեր» լուծելու համար: Այդ մասին այսօր` դեկտեմբերի 20-ին հայտարարել է ԱԷՄԳ-ի` Իրանի հարցով ներկայացուցիչ Ալի Ակսար Սոլթանիեն, հաղորդում է «ՌԻԱ Նովոստին»` վկայակոչելով Reuters-ը:
Սոլթանիեի խոսքով` ավելի վաղ ինքը համապատասխան նամակ էր ուղարկել ԱԷՄԳ-ի ղեկավար Յուկի Ամանոյի անունով, ով նոյեմբերին ներկայացրած զեկույցում նշում էր, թե Իսլամական պետությոնը մինչեւ 2003թ-ը միջուկային զենքի ստեղծմանն ուղղված աշխատանքեր է իրականացրել, եւ դրանք կարող է շարունակել նաեւ հիմա:
Նա նաեւ նշել է, որ բանակցություններ են վարվում ԱԷՄԳ պաշտոնատար անձանց հետ: «Մենք ծրագրում ենք տեսուչների այց Իրան»,-Սոլթանիեի խոսքեր է փոխանցում գործակալությունը:
Նշենք, որ Իրանը գործակալության հետ համագործակցության պատրաստակամություն է հայտնել:
