Երազանքի հանգիստը Բահամյան կղզիներում մղձավանջի է վերածվել ամերիկացի երկու երիտասարդ զբոսաշրջիկ կանանց համար, երբ նրանք ձեռք ձեռքի տված ցատկել են շողշողացող կապույտ ջրի մեջ և մի քանի րոպե անց ենթարկվել շնաձկան հարձակման:

20-ամյա Ռայլի Դեքերը և 24-ամյա Սամեր Լեյմանը ուրբաթ երեկոյան լողում էին Բիմինի ծովախորշում՝ Ֆլորիդայի ափից 50 ծովային մղոն հեռավորության վրա տեղակայված հայտնի հանգստավայրում, երբ տեղի ունեցավ հարձակումը, շաբաթ օրը ասված է Բահամյան կղզիների Թագավորական ոստիկանության հայտարարության մեջ:

Կանայք վերադարձել են Ֆլորիդա և հիվանդանոցի մահճակալներին պառկած պատմել են սարսափելի դեպքի մասին:

«Մենք պարզապես իսկապես երախտապարտ ենք, որ մեր բոլոր վերջույթներով արդեն այստեղ ենք»,-պատմել է Դեքերը NBC News-ին:

Այդ օրհասական օրը աղջիկներն ընկերոջ զբոսանավից նետվել են ծովը, սակայն շուտով Դեքերն ասել է, որ «զգացել է, որ ինչ-որ բան է ոտքը ծակել»:

Ընկերներն ու հարազատները նրանց անվտանգ վայրում անմիջապես հանել են ջրից։ Նրանք Դեքերի աջ ոտքին լարան են փաթաթել և պարզել, որ շնաձուկը Լեյմանն էլ է կծել։

Դեքերին ինքնաթիռով տեղափոխել են Բահամյան կղզիների հիվանդանոց՝ բուժման: Երբ երկու աղջիկների վիճակը կայունացել է, նրանք տեղափոխվել են Ֆլորիդա, որտեղ Դեքերը վիրահատվել է:

Ըստ Ֆլորիդայի թանգարանի՝ շնաձկների հարձակման միջազգային տվյալների բազայի՝ Բահամյան կղզիներում գրանցվել է աշխարհում շնաձկների դեպքերի ամենաբարձր թվով դեպքերը՝ 34 չհրահրված հարձակումներով: