Հիմք ընդունելով Ազգային ժողովում Հայաստանի վարչապետ Նիկոլ Փաշինյանի հայտարարությունը՝ ԱԱԾ տնօրեն Արմեն Աբազյանին տեղեկություն եմ ներկայացրել հնարավոր հանցագործության մասին։ Այս մասին փետրվարի 13-ին Ազգային ժողովում ավանդական ճեպազրույցների ժամանակ հայտնել է ընդդիմադիր «Հայաստան» խմվակցության պատգամավոր, ՀՅԴ անդամ Գեղամ Մանուկյանը։

«Ես արդեն ասել եմ, որ Նիկոլ Փաշինյանը, պատասխանելով պատգամավոր Քրիստինե Վարդանյանի հարցին, ընդդիմադիր «Հայաստան» խմբակցությանը մեղադրել է Հայաստանի դեմ հիբրիդային պատերազմին մասնակցելու եւ դիվերսիայի մեջ։ Սա, ինչպես հասկանում եք, պարունակում է Քրեական օրենսգրքի 299-րդ հոդվածի տարրեր, այն է՝ պետական ​​դավաճանություն։ Նամակին կցել եմ Նիկոլ Փաշինյանի խոսքը։ Ընդ որում՝բառացի, եւ ԱԱԾ տնօրենին կոչ եմ արել քննության վերցնել հանցագործության մասին այս հաղորդումը, հետո զեկուցել գործընթացի ընթացքի մասին»,- ասել է պատգամավորը։

Մանուկյանի խոսքով՝ Նիկոլ Փաշինյանի 6 տարուց ավելի արած յուրաքանչյուր անպատասխանատու հայտարարություն չպետք է անպատասխան մնա. «Տեսնենք՝ ով է հիբրիդային պատերազմ մղում Հայաստանի դեմ, ով է Հայաստանում օգտագործում օտար երկրների բառապաշարը, ով է գործում հայ ժողովրդի դեմ»,- կոչ է արել ընդդիմադիր գործիչը։