նախընտրելի դարձնել
Կարիբյան ծովի լողափում շնաձուկը կծել-պոկել է կնոջ ձեռքերը, երբ վերջինս փորձում էր լուսանկարվել գիշատչի հետ։
55-ամյա կանադուհին ընդամենը մի քանի յարդ էր մտել ջրի մեջ, երբ գիշատիչը հարձակվել էր նրա վրա: Դժբախտ պատահարը տեղի է ունեցել անցած ուրբաթ։
Տեղական իշխանությունների տվյալներով՝ կինը «փորձում էր նկարվել» շնաձկան հետ, երբ Թյորկս և Կայկոս կղզիների Թոմփսոն Քոուվ լողափի մոտ 6 ֆունտ երկարությամբ գիշատիչ ձուկը հարձակվել է նրա վրա:
Կնոջ մի ձեռքն անդամահատել են դաստակից ներքև, մյուսը՝ մինչև նախաբազկի կեսը։ Դրանից հետո նա վերադարել է Կանադա՝ հետագա բուժման համար:
Շնաձկան տեսակը հաստատված չէ, սակայն տեղացիներն ասում են, որ դա ցուլ շնաձուկ (Carcharhinus leucas) էր:
Հարձակման պահին զբոսաշրջիկի ամուսինը սարսափած ցատկել է ջուրը՝ հույս ունենալով, որ կկարողանա շնաձկանը քշել, նախքան նա կհասցնի հարձակվել։
Զբոսաշրջիկները հավաքվել են տուժածի շուրջը և իրենց հագուստով կանգնեցրել արյունահոսությունը։
Մեկ այլ զբոսաշրջիկի արած տեսանյութում երևում է, որ հարձակումից առաջ շնաձուկը մոտերքում է եղել:
Ենթադրվում է, որ հարձակումից առաջ նա մոտ 40 րոպե լողում էր տարածքում։
«Շնաձկան երկարությունը գնահատվում է մոտ 6 ոտնաչափ: Սակայն դրա տեսքը դեռ չի հաստատվել։ Պարզվել է, որ զբոսաշրջիկը փորձել է լուսանկարել կենդանուն ծանծաղուտից»,- հայտնել են իշխանությունները։
