նախընտրելի դարձնել
ՌԴ նախագահ Վլադիմիր Պուտինը հայտնել է, որ ԱՄՆ նախագահ Դոնալդ Թրամփը հեռախոսազրույցի ժամանակ իրեն ասել է, որ բանակցային գործընթացը տեղի կունենա ինչպես Ռուսաստանի, այնպես էլ Ուկրաինայի մասնակցությամբ։
«Ինչ վերաբերում է բանակցային գործընթացին, նախագահ Թրամփը հեռախոսազրույցի ժամանակ ինձ ասաց, և դա կարող եմ հաստատել, որ, իհարկե, Միացյալ Նահագները ելնում են նրանից, որ բանակցային գործընթացը տեղի կունենա և՛ Ռուսաստանի, և՛ Ուկրաինայի մասնակցությամբ։ «Ոչ ոք Ուկրաինային չի բացառում այս գործընթացից»,-ըստ Интерфакс գործակալության՝ հայտարարել է Պուտինը։
«Հետևաբար, ռուս-ամերիկյան հանդիպմանը նման արձագանքի համար որևէ հիմք չկա»,- նշել է նա։
Նա հավելել է, որ Ռուսաստանի Դաշնությունն իր հերթին ԲՐԻԿՍ-ի շրջանակում «անկասկած կտեղեկացնի իր բարեկամներին»։
«Մենք գիտենք նրանց շահագրգռվածությունը ռուս-ուկրաինական հարաբերությունների կարգավորման, այս ճգնաժամի կարգավորման հարցում։ Եվ շատ մոտ ապագայում մենք նրանց կտեղեկացնենք ռուս-ամերիկյան բանակցությունների արդյունքների մասին»,- ընդգծել է երկրի ղեկավարը։
