Փետրվարի 21-ին՝ ժամը 9:30-ի դրությամբ, Անիի, Արթիկի, Ամասիայի, Աշոցքի, տարածաշրջաններում ձյուն է տեղում։

Շիրակի մարզպետարանից NEWS.am-ին հայտնում են, որ Աշոցքում բուք է և ցածր տեսանելիություն, ամբողջ գիշեր ճանապարհաշինարարներն աշխատել են արտակարգ ռեժիմով՝ կենտրոնացնելով ողջ տեխնիկան և հզորությունները։

Շիրակի մարզում փակ ճանապարհներ չկան, քամու պատճառով կան դժվարանցանելի հատվածներ, որոնք մաքրվում են հնարավորինս արագ։