ՆախընտրելիՀայրենիքի պաշտպանի օրը՝ փետրվարի 23-ին, հյուրերի առջեւ դռներն է բացել Գյումրիի 102-րդ ռուսական ռազմակայանը։
Ռազմակայանի տարածքում լայնամասշտաբ տոնակատարություններ են տեղի ունեցել։ Միջոցառման հյուրերը կարողացել են ծանոթանալ ժամանակակից ռազմական տեխնիկային, գնահատել հատուկ նշանակության ջոկատի զինվորների հմտությունները, ինչպես նաեւ ճաշակել դաշտային խոհանոցի կերակուրները:
Ռազմակայանի հրապարակում ցուցադրվել են սպառազինությունների եւ տեխնիկայի նմուշներ։ Այստեղ ներկայացվել են Т-72 տանկը, «Ստրելա-10» հակաօդային պաշտպանության համակարգը, «Գրադը», «Գվոզդիկա» ինքնագնաց հաուբիցը, «Շիլկա» ինքնագնաց ՀՕՊ-ը, «Տիգր» զրահամեքենան, հետեւակի մարտական մեքենաներ, զրահափոխադրիչ, ռադիոլոկացիոն կայան եւ մի շարք հրազենային զենքեր։
Ռազմակայանի հրամանատար, գնդապետ Ալեքսանդր Բեզբորոդովը հյուրերին անձամբ մանրամասն պատմել է յուրաքանչյուր ստորաբաժանման մարտավարական եւ տեխնիկական բնութագրերի մասին։ Հյուրերի թվում էին Գյումրիում ՌԴ գլխավոր հյուպատոս Իգոր Տիտովը, Իրանի ռազմական կցորդ, գնդապետ Մոհամադ Նաջաֆին։
Ծրագրի ամենատեսարժան մասը հետախուզական-դիվերսիոն ջոկատի մարտիկների ելույթներն էին։ Ռազմակայանի հյուրերը կարողացան փորձել զինվորի հնդկաձավարով ապուրն ու տաք թեյը։
