Նախընտրելի
Մարսելում ՌԴ գլխավոր հյուպատոսության տարածքում Մոլոտովի կոկտեյլներով հարձակման հետևանքով հրդեհ է բռնկվել, գրել է BFMTV-ն՝ հղում կատարելով տեղի ոստիկանության աղբյուրին։
Պարբերականի տվյալներով՝ առավոտյան պայթյուն է որոտացել Ռուսաստանի գլխավոր հյուպատոսության տարածքում՝ Մարսելի 8-րդ օկրուգում։ Դեպքի վայր են ժամանել մոտ 30 հրշեջ մեքենաներ եւ ոստիկանության աշխատակիցներ։ Իրավապահների տվյալներով՝ անհայտ անձինք դիվանագիտականներկայացուցչության այգի են նետել երկու Մոլոտովի կոկտեյլ։ Նախնական տվյալներով՝ ոչ ոք չի տուժել։
Մարսելում ՌԴ գլխավոր հյուպատոս Ստանիսլավ Օրանսկին La Marseillaise-ին ասել է, որ պայթյունը տեղի է ունեցել հյուպատոսության ներսում, որը գտնվում է Ամբրուազ Պարե 3 հասցեում: Տարածքը շրջափակված է: Զոհեր եւ վիրավորներ չեն եղել։ Այս տարածքում են գտնվում նաեւ Եգիպտոսի, Թունիսի, Հայաստանի եւ Սան Տոմեի եւ Պրինսիպիի հյուպատոսությունները, նշել է հեռուստաալիքը։
2024թ. մարտին, La Dpche-ի տեղեկացմամբ, ձերբակալվել է Թուլուզում բնակվող Ռուսաստանի 43-ամյա քաղաքացի։ Նա կասկածվում էր հայրենակիցների հասցեին սպառնալիքներ հնչեցնելու մեջ։ Տղամարդը մոտ հարյուր անգամ զանգահարել է դիվանագիտական ներկայացուցչություն եւ հայտնել, որ պատրաստվում է մի շարք սպանություններ իրականացնել։
