Նախընտրելի
Լեհաստանն ավելացնում է Starlink տերմինալների թիվը՝ ճակատում կայուն հաղորդակցություն ապահովելու համար։ Այս քայլը կարեւոր է Ուկրաինայի պաշտպանունակության ամրապնդման համար, տեղեկացրել է Puls Biznesu-ն։
Լեհաստանը շուտով կավելացնի Starlink տերմինալների թիվը, որոնք տրամադրվում են Ուկրաինային՝ պատերազմի ժամանակ հաղորդակցությունն ապահովելու համար։
Լեհաստանի փոխվարչապետ եւ թվային տեխնոլոգիաների նախարար Քշիշտոֆ Գավկովսկին ընդգծել է, որ այս ծառայությունը կարեւոր նշանակություն ունի Ուկրաինայի պաշտպանունակության ամրապնդման համար։
2024թ. վերջին Լեհաստանը Իլոն Մասկի SpaceX-ից 24400 Starlink տերմինալ է փոխանցել Ուկրաինա։ 2024թ. նոյեմբերին պատվիրվել է տերմինալների նոր խմբաքանակ, որոնք աստիճանաբար հասնում են Ուկրաինա։
Լեհաստանը տերմինալներ է վերցնում, այս մոտեցումը թույլ է տալիս խուսափել հարկային եւ իրավական բարդություններից: Տերմինալները կարեւոր հաղորդակցություններ են ապահովում ուկրաինական բանակի համար ճակատում։ Թիվը տատանվում է՝ կախված կարիքներից, որոշ տերմինալներ ոչնչացվել են մարտական գործողությունների ընթացքում։
«Լեհաստանն ինտերնետ է մատակարարում ուկրաինական հասարակությանն ու բանակին։ Starlink-ի շնորհիվ Ուկրաինան հաջողությամբ պահում է ճակատը»,- նշել է Գավկովսկին։
Լեհաստանի աջակցությունն առանձնահատուկ նշանակություն ունի։ Լեհաստանի տրամադրած սարքերը կազմում են Ուկրաինայում գործող Starlink տերմինալների կեսը:
Լեհաստանի կողմից նոր տերմինալների պահպանման եւ գնման արժեքը 2024թ. կազմել է 120,66 մլն զլոտի (ավելի քան 1,2 մլրդ գրիվնա), իսկ 2025թ. նախատեսվում է ծախսել 186,8 մլն զլոտի (2 մլրդ գրիվնա):
