նախընտրելի դարձնել
Ճապոնական խոշոր բանկերից մեկի՝ Mizuho-ի աշխատակցուհին 66 մլն իեն (մոտ 440 հազար դոլար) է գողացել պահատուփերից, որտեղ պահվում են հաճախորդների գումարները։
Տոկիոյի կենտրոնական բանկի մասնաճյուղի աշխատակիցն օգտագործել է պահեստային բանալիներ՝ 2016թ. հունվարից մինչեւ 2019թ. հունիսն ընկած ժամանակահատվածում փող գողանալու համար, հայտնել է ֆինանսական հաստատությունը: Նա այդ միջոցները ծախսել է հագուստի եւ ճանապարհորդությունների վրա։
Խախտումը հայտնաբերվել է 2019թ. օգոստոսին, որից հետո բանկի ղեկավարությունը դիմել է ոստիկանություն, եւ աշխատակիցն ազատվել է աշխատանքից։ Միաժամանակ բանկը տուժած հաճախորդներին լիովին փոխհատուցել է։ 2021թ. փետրվարին Mizuho Bank-ը հայտնել է իր նախկին աշխատակցի ձերբակալության մասին։
Դեպքի մանրամասները հայտնի դարձան միայն 2025թ.՝ Mitsubishi UFJ-ի մեկ այլ խոշոր ճապոնական բանկի չհրկիզվող պահարաններից գողության հետ կապված խոշոր սկանդալից հետո։ Այնուհետեւ արտարժույթի շուկայում առեւտրի, ինչպես նաեւ ձիարշավներում խաղադրույք կատարելու պատճառով պարտքերի մեջ ընկած աշխատակիցը պահատուփերից եւ հաճախորդների այլ ակտիվներից գողացել է 20 կիլոգրամ ոսկի՝ մոտ 1 մլրդ իեն (մոտ 6,3 մլն դոլար) արժողությամբ:
