ՆախընտրելիԻնտերնետային հսկա Google-ի ծառայությունները դեկտեմբերի 22-ին Ռուսաստանում մեկ ժամից ավելի անհասանելի են եղել: Օգտվողները չեն կարողացել այցելել google.ru կայք, օգտվել Gmail փոստից, YouTube վիդեոհոսթինգից եւ ամերիկյան ընկերության այլ կայքերից:
Ընդհատումներ են եղել նաեւ Google-ի հետ առնչություն չունեցող, բայց նրա վիճակագրական ծառայություններից օգտվող այլ կայքերի աշխատանքում եւս, մասնավորապես, Google Analytics-ից:
Ընդ որում` միայն Ռուսաստանի դեպքում է այդպես եղել, արտերկրի սերվերներից միանալիս ամեն ինչ սովորականի նման է եղել:
Google-ի ռուսական գրասենյակը Twitter-ի միջոցով հայտնել է, որ տեղյակ է կատարվածի մասին: Google-ը «նորոգել են» միայն Մոսկվայի ժամանակով ժամը 16:00-ին, հայտնում է vesti.ru-ն
Սոցցանցերում Google-ի խափանումը գնահատվել է իբրեւ աշխարհի վերջ: «Google-ը խափանվել է, աշխարհի վերջը խոստացվածից 10 օր շուտ է եկել», - Twitter-ում գրել է օգտատերերից մեկը: Նաեւ կլիմայական հիպոթեզ էր առաջ քաշվել, ըստ որի` խափանման պատճառը տեղացող ձյունն է:
Եվ, իհարկե, կատակներ են հնչել. «Google-ը գնել է Ռուսաստանի փոստը, եւ հիմա նրանց ընթրիքի ժամն է»:
