նախընտրելի դարձնել
Ադրբեջանական ծանր հանցագործությունների դատարանի որոշմամբ բլոգեր Արզու Սայադօղլուն (Մամեդովա) դատապարտվել է 7 տարվա ազատազրկման, հայտնում են տեղական լրատվամիջոցները։
Նա մեղավոր է ճանաչվել 182.2.4 հոդվածով (սպառնալիքի միջոցով շորթում, որը կատարվել է առանձնապես խոշոր չափերով գույք ձեռք բերելու նպատակով)։
Բլոգերի հարազատները հայտնել են, որ բողոքարկելու են դատարանի որոշումը։
YouTube-յան ալիքներով կառավարությանը քննադատող բլոգեր Արզու Սայադօղլուին անցյալ տարվա հունվարին ձերբակալել էր Ադրբեջանի պետական անվտանգության ծառայությունը։ Հարազատները երեք օր է, ինչ նրանից լուր չեն ունեցել։
Արզու Սայադօղլուն ձերբակալությունից առաջ քննադատական հայտարարություններ է արել՝ կոչ անելով մարդկանց չլռել և խաղաղ ցույցեր անցկացնել։
Արզու Սայադօղլուն մինչ կալանավորումը հայտարարել է «Ժողովրդին ծառայություն» շարժման ստեղծման մասին։
