նախընտրելի դարձնել
Ադրբեջանի նախագահ Իլհամ Ալիեւն ընդունել է Ռուսաստանի Դաշնության Դաշնային ժողովի պատվիրակությանը` Դաշնության խորհրդի նախագահ Վալենտինա Մատվիենկոյի գլխավորությամբ։
Ադրբեջանական լրատվամիջոցների տեղեկացմամբ՝ հանդիպումը Բաքվում կայացել է ՌԴ Դաշնության խորհրդի պատվիրակության պաշտոնական այցի շրջանակում։
Կողմերը քննարկել են երկկողմ օրակարգի լայն շրջանակ, այդ թվում՝ առեւտրատնտեսական եւ մշակութային փոխգործակցության ընդլայնման թեմաներ։ Մատվիենկոն հանդիպման ժամանակ նշել է, որ Ադրբեջանի եւ Ռուսաստանի Դաշնության ղեկավարները մշտական կապի մեջ են։ Զրուցակիցները քննարկել են նաեւ միջազգային ներկա իրավիճակը։
Նախօրեին Վալենտինա Մատվիենկոյին ընդունել էր Իլհամ Ալիեւի կինը՝ Ադրբեջանի առաջին փոխնախագահ Մեհրիբան Ալիեւան։ Զրուցակիցները քննարկել են երկկողմ հարաբերությունների հարցերի լայն շրջանակ, այդ թվում՝ մշակութային եւ հումանիտար համագործակցությունը։
Հանդիպման ընթացքում նշվել է, որ Ադրբեջանի եւ Ռուսաստանի հարաբերությունները ռազմավարական դաշինքի բնույթ են կրում։
