նախընտրելի դարձնել
Հայաստանում գործող Baghramyan & Co․ ֆերման հայտարարել է իր վերաբրենդավորման մասին։ Վերաբրենդավորումը կատարվել է՝ պահպանելով հայտնի «Բաղրամյան» թռչնաֆաբրիկայի երկարամյա ավանդույթներն ու նվիրվածությունը որակյալ արտադրանքին։ Նոր բրենդային ինքնությունն արտացոլում է ընկերության առաջնահերթությունը՝ ապահովել մարդկանց առողջ, սննդարար և բնական ձվով՝ տեղական շուկայի պահանջներին համապատասխան։
Baghramyan & Co․-ն սպառողներին առաջարկում է բարձրակարգ ձու, որը ստացվում է լավագույն սնուցմամբ և խնամքով աճեցված թռչուններից։ Baghramyan & Co․-ի հավերը սնվում են էկոլոգիապես մաքուր հացահատիկներով, որոնք աճեցվում են սեփական արտերում։
Վերաբրենդավորման գործընթացը ներառում է նոր լոգոտիպի ստեղծում, փաթեթավորման թարմացում և ժամանակակից դիրքավորում, որը նպատակ ունի ընդգծել ընկերության կարևորագույն արժեքները՝ թարմություն, բնականություն և առողջ ապրելակերպի խթանում։
«Մեր նպատակը ոչ միայն որակյալ արտադրանք տրամադրելն է, այլև սպառողների վստահությունը շահելը՝ ի ցույց դնելով մեր նվիրվածությունը բնության նկատմամբ պատասխանատվությանը և սննդի անվտանգության ամենաբարձր չափանիշներին»,- նշում են Baghramyan & Co․-ից։
Baghramyan & Co․-ի նոր բրենդային ինքնությունը արդեն ներառվել է ընկերության բոլոր արտադրանքներում և վաճառքի կետերում՝ առաջարկելով սպառողներին լավագույն որակը։
