ՆախընտրելիՌուսաստանի ֆինանսների նախկին նախագահ Ալեքսեյ Կուդրինը, ելույթ ունենալով Մոսկվայում այսօր անցկացված «Հանուն արդար ընտրությունների» հանրահավաքում, կոչ է արել Պետդումայի վաղաժամկետ ընտրություններ անցկացնել: Նա նաեւ պահանջել է ԿԸՀ նախագահ Վլադիմիր Չուրովի հրաժարականը:
«Ես համաձայն չեմ ընտրությունների արդյունքների հետ, կարծում եմ, մեղավորները պետք է պատասխանատվություն կրեն` ընդուպ մինչեւ քրեական, իսկ Չուրովը պետք է հեռանա: Պետք է քաղաքական պայմաններ առաջ քաշել: Մարտի 4-ի ընտրությունները պետք է անցկացվեն նոր պայմաններում, այլապես…հեղափոխություն կլինի: Մենք կկորցնենք շանսը, որը հիմա կա»,- Կուդրինի ելույթից մեջբերում է կատարում «Գազետա.ռու»-ն:
«Առաջարկում եմ հանրահավաքի բանաձեւին ավելացնել վաղաժամեկետ ընտրությունների անցկացման մասին պահանջ: Մեզ պետք է գործող իշխանություն: Ես պատրաստ եմ մասնակցել եւ օգնել այդ երկխոսությանը»,-հայտարարել է նա:
