նախընտրելի դարձնել
Մինեսոտայի Սենատի օրենսդիրը ձերբակալվել է ԱՄՆ-ում այն բանից հետո, երբ նա և իր գործընկերները օրենսդրություն են առաջարկել, որով նահանգում հոգեկան հիվանդությունների ցանկում կներառվի Դոնալդ Թրամփի քաղաքականության հանդեպ հակակրանքն ու զզվանքը: Այս մասին հայտնում է European Pravda-ն՝ վկայակոչելով տեղի ոստիկանությանը։
Մինեսոտայի սենատոր Ջասթին Էյխորնը երեքշաբթի ձերբակալվել է անչափահասին մարմնավաճառության մեջ ընդգրկելու համար:
Նա կարծել է, որ խոսում է 17-ամյա աղջկա հետ, բայց փոխարենը խոսում էր Բլումինգթոնի ոստիկանության բաժանմունքի հետախույզների հետ:
Մարտի 17-ին դետեկտիվը պայմանավորվել է հանդիպել տղամարդու հետ։ Նրան նկատել են, երբ պիկապով եկել է այդ շրջան: Էյխհորնը ձերբակալվել է իր մեքենայի մոտ՝ Բլումինգթոնի ոստիկանության աշխատակիցների կողմից։
Նրան տեղափոխել են Բլումինգթոնի ոստիկանական բաժանմունքի բանտ, որտեղից հետագայում կտեղափոխվի Հենեպին շրջանի բանտ:
Հենեպին շրջանի դատախազությունը ակնկալում է քրեական մեղադրանք ներկայացնել անչափահասին մարմնավաճառության մեջ ընդգրկելու համար:
«Եթե դուք 40 տարեկան տղամարդ եք և գալիս եք մեր համայնք՝ ինչ-որ մեկի երեխայի հետ սեռական հարաբերություն ունենալու համար, կարող եք վստահ լինել, որ մենք ձեզ կնստացնենք», - ասել է Բլումինգթոնի ոստիկանապետ Բուկեր Հոջեսը:
