Ռուսաստանը պետք է անցկացնի վաղաժամկետ խորհրդարանական եւ, գլխավորը, արդար ընտրություններ: Այդ մասին երեկ` դեկտեմբերի 24-ի հանրահավաքում հայտարարել է Ռուսաստանի ֆինանսների նախարար Ալեքսեյ Կուդրինը` ավելացնելով, որ ինքն աջակցում է արդար ընտրությունների համար պայքարին:

Նախկին նախարարը  հայտարարել է, որ ԿԸՀ նախագահ Վլադիմիր Չուրովը, ինչպես նաեւ  2011թ. խորհրդարանական ընտրությունների բոլոր պատասխանատուները պետք է հրաժարական տան: Իսկ մեղավորները պետք է պատասխանատվության ենթարկվեն, ընդհուպ` քրեական: «Անհրաժեշտ է օրենք ընդունել կուսակցությունների մասին, գրանցում կատարել, նախընտրական արշավ անցկացնել, եւ միայն դրանից հետո մենք կարող ենք ընտրություններ անցկացնել:

Որոշումը պետք է ընդունել մինչեւ մարտի 4-ը, հակառակ դեպքում հեղափոխության սպառնալիք կառաջանա»,-ասել է Կուդրինը:Նշենք, որ դեկտեմբերի 24-ին Մոսկվայի Սախարովի անվան հրապարակում կազմակերպված հանրահավաքին մասնակցել էր ավելի քան  30 հազ. մարդ, սակայն կազմակերպիչները  նշում են  100  հազարի մասին: